穿自家织东奥纪念版外套影封面 跳水王子戴利着浅色泳裤更激凸

27岁的英国跳水王子戴利(Tom Daley)在今届东奥赢得双人10米高台跳水金牌及单人10米高台跳水铜牌，但令佢扬名立万系佢喺场边织衫嘅画面。去年英国因为疫情令戴利冇得跳水，抗疫在家就学识编织仲愈识愈劲，然后更开设一个慈善用途的自家编织品牌「Made With Love by Tom Daley」，此IG Follower已逾147万。

近日，戴利为英国杂志影嘅封面见街，相中嘅佢着住自家织嘅「东京奥运纪念版」毛衣，毛衣背后有奥运五环及英国队的标志，胸前更特别织有「东京」字样。戴利话去到东京时就希望制作一啲能够令佢喺未来可以回想到奥运嘅嘢，于是就设计咗呢件外套嘞。

讲返封面，着住外套及三角泳裤，挂住奥运金牌嘅戴利被好多肥皂泡围住，对于佢副靓Body有睇奥运其实都见识过，不过今次佢条浅色泳裤仔令佢显得更激凸，加埋啲泡泡，梦幻得嚟又好令人有遐想。另外，杂志仲有一张佢浸住水摆甫士嘅相，都好靓㗎。