专访丨负评不会影响生活 七师傅：冇人识先唔会畀人讨论

精通中西玄学的七仙羽师傅，虽然早已亮相各大电视台，想不到去年凭ViuTV节目《鬼同你上位》中一句「师傅爱你」，挥低一众性感后生女！之不过人红是非多，七师傅不讳言冇人识才会不被讨论，正如大家不会去讨论猪肉佬，故不会被负评影响生活：「少许骑呢无伤大雅，目的只系想大家开心，正如我喺佛堂做法事嘅时候系师傅；做电视拍综艺节目就系艺人，如果我喺综艺节目中念经先系骑呢！与其花时间睇负评累积负能量，大家不如睇我啲短片笑吓，仲有正能量呢！」

七师傅直言在节目中只是实话实说，不明白观众的笑点，但尊重想笑的自由，「原本系惊吓节目，主持火火同保锜都惊到震，啲女仔仲惊到想退出，但经我表达之后变得好笑，丧礼都变婚礼，我有咩办法呀？嗰阵睇到佢哋夜麻麻仲要露胸拍摄，又要畀鬼搞，好惨呀，我咪有感而发揽实汤沛宜安慰，边喊边话『师傅爱你』，谂唔到会变成咗招牌，拍乜嘢都要讲呢句话，哈哈！」

自认花心的七师傅，无法在一众小鲜肉中选出最爱，但看好姜涛不止是「亚洲第一」，大有机会冲出国际，「姜涛后生又靓仔，唱得跳得，如果我系姜涛，我许愿一定不止亚洲第一，要做世界第一呀！之前同佢哋合作《考有Feel》，睇到佢哋嘻嘻哈哈，自己都好似好后生，连我男友最近都锺意咗佢哋！」此外，她还赞保锜醒目但百厌，但很尊重自己，从来不敢撩她；193就靓仔、聪明又讲义气，曾帮她拿到很难入手的演唱会飞！