孭住「星二代」包袱入行并不容易 陈宇琛：系一条好难行嘅路

本月22日是石修之子陈宇琛（Sam）的42岁生日，原来当日亦是他入行18年的大日子，Sam从2003年加入TVB拍摄《当四叶草碰上剑尖时》后， 一直演出不少剧集，可惜发挥机会不大，到了2014年离巢转到HKTV，期间亦有参与幕后工作，到去年尾在ViuTV剧《男排女将》中「黄金Sir」一角，反而多了人认识！今日Sam在IG留言，分享自己这些日子在娱乐圈工作的点滴：「 最近谂紧我喺呢行种种经历，发现原来我一直抑制咗好多谂法同情绪。」

当年Sam在大学读书的时候，主修建筑系，因从小不时到片场探班，在耳儒染下难免对娱乐圈产生兴趣，后来决定步爸爸的后尘加入娱乐圈，当时父母都有点讶异：「2004年嗰阵我24岁孭住『星二代』包袱入行。 好多人以为系一条捷径，但实际上系一条好艰难嘅路。入行嗰阵得到好多关注，但系我嘅成长一直好低调，所以当时唔识面对同处理。 感觉好尴尬，好似俾人一直批判。 加上大家对我嘅表现有好大嘅期望，而我对自己都有好高嘅要求，非常大压力。 同时间经常有人同我讲要喺呢一行生存，就要听话。 因为咁，我慢慢迷失咗自己嘅定位identity，开始封闭自己。」

虽然最初的工作确实令Sam充实和得益良多，不过因为一些人事变动，令他的工作起了很大的变化：「突然间令我失去咗好多我应该有份参与嘅剧集演出，幕前工作180度转变，俾人安排做返一啲啱啱入行嘅嘢，完全唔起眼嘅节目。当时感觉好难受，好似俾人betray，对公司好信任亦付出咗咁多，拍剧捱到体力透支，身体受伤都好似白费晒。因为好锺意做戏以为仲有一丝希望都想坚持落去。我唔系带钱返工嘅人，嗰阵每个月人工系$8000 ，有时到月尾户口得返$100-200，好彩自己喺出边都接到啲jobs可以顶得住吓。」

在这段时间，Sam更坦言连拍了7年的未婚妻亦要call off婚礼：「感情同事业都失败令我跌咗入一个好dark & depressed嘅位。终于到我喺TVB第10年，2014年有一间筹备中嘅电视台(HKTV)搵我过档，offer我四倍嘅人工，我考虑咗好短时间就应承咗。18年嘅故事系比较长气啲，人生嗰啲嘢系咁㗎啦！」