拍《七公主》素颜兼唔准洗头 陈滢欠自信：监制要我好样衰

陈滢（Jeannie）自从签约邵氏之后，一剧接一剧，最近热播的《七公主》亦有份演出。不过Jeannie在剧中饰演Moon，是一个由内地来港生活的苦命少女，大部分时间都要素颜上阵，与其他「公主」黄翠如、林夏薇、高海宁、江嘉敏及邝洁楹能扮靓靓出镜有好大差距。

Jeannie日前接受由阮兆祥、天欣和朱菁主持的电台节目《1圈圈》访问，直言这个苦命角色，是她拍剧以来「最唔enjoy」一套，因为角色充满负能量，而造型方面，监制陈维冠（Joe）要她抛弃靓女形象，完全不让她化妆和洗头，还嫌她不够憔悴，要再「残啲」，她说：「Joe唯一要我化妆嗰一日，竟然问我『系咪真系冇化妆』，我话『Joe，你攞张纸巾抺吓块面，我真系冇化妆！』佢抺一抺，真系冇妆喎，但佢仲话『搞唔掂，你眼圈唔够大，帮我画深啲。』我话『Sxxt！你真系要咁做？』。」她自爆在拍摄前有勤力护肤，所以经常被监制怀疑她是否化了伪素颜妆，而事实是没有，但承认刚开拍时身形特别胀，她解释：「因为当时刚隔离完。」

Jeannie自言不化妆出镜会欠缺自信：「我始终系一个女仔啊嘛！而家见惯人系某一个样㗎嘛大佬！其他女仔个个都系set晒头，化晒妆，咁我就企喺侧边……所以我想讲呢套剧我从来冇睇过playback！我一张相都冇影过！」 她相信监制找演员时，是希望角色能为演员带来突破，她笑言Joe可能觉得︰「陈滢，我要你好样衰！」

不过，当监制要求她不用洗头，她却暗地欢喜，她笑说：「我喺公司出晒名唔锺意洗头，有时入化妆间，发型师都唔想帮我set头，试过拍《黄金有罪》时，足足一个星期冇洗头，因为唔锺意吹头。」