【独家】多谢阿仪 《造星IV》入唔到围 「巨胸黄智雯」姚琰欣减20磅缩胸选亚姐
2021-09-05 21:15 
亚姐今年爆出极品参赛者薛影仪，获网民推为「女神」即被亚视罗致成为「亚视一姐」，令沉寂多时的亚姐即时升温，入围大热佳丽7号「巨胸黄智雯」姚琰欣（Bonnie）亦认为阿仪帮手炒热亚姐。向来凭36E走性感路线的Bonnie，其实一心想参加《全民造星IV》，更为比赛激减20多磅，不惜大胸缩水变35D，但面试失败转战亚姐，Bonnie话对于在亚姐能否攞奖唔紧要，只想靠选美成功转型，唔使单靠行性感发展。撰文：杜淑霞 摄影：叶君海、沈健程 化妆：jabbiemakeup 服装：Nami
出名身材好的Bonnie，毅然参加比赛就是不想只行性感，「我被定型系性感，拍嘅戏都系性感，所有人打嚟第一句，做咩角色呀？性感亲热戏，每次收到呢啲call，由好兴奋到又系拍呢啲呀！所以我谂住参加亚姐、《造星》令到人觉得我有其他嘅一面，唔系净系搵我拍啲好性感，或者要裸露嘅戏。」
想攞「完美体态奖」
Bonnie半年前已积极减肥打算参加《全民造星IV》，更搵埋好姊妹黄榕做伴齐练舞学唱歌，可惜她以黎明的《我的亲爱》和跳Black Pink歌曲参加面试未能入围，不过她不像黄榕失望到爆喊，「都预咗自己未必会入围，面试完起码有个经验，再有咁样嘅面试会冇咁紧张。」之后她不想浪费劲fit状况转战亚姐。
对于未能入围亚姐的阿仪抢尽风头，Bonnie作为参赛佳丽觉得是好事，「阿仪带动咗个节目，因为大家都知阿仪系亚姐，所以觉得佢系帮咗亚姐多咗人睇。」至于参赛信心，她反而不睇重奖项，「我系抱住学习同埋攞经验心态，攞唔攞奖唔紧要，赢咗自己就OK，我未参加过选美比赛，有奖就当多一个名衔，我最想攞『完美体态奖』。（上围劲有帮助？）上围评判未必会睇，反而觉得咁劲觉得你系专登要咁性感，同埋其他佳丽都有丰满嘅，唔系净系我，虽然我系最丰满一个。」
决赛前减多10磅
讲到身材，Bonnie明显比之前瘦了两个码，她为参赛用两个月由65kg地狱式减至54kg，体脂比例更由30%减至20%，成功踢走20多磅肥肉，都要多得健身教练前男友，「前度佢引领我减肥，佢话我痴肥，但系又帮我减肥，又要多谢佢又好憎佢。」
虽然上围因减肥由36E缩到35D，但Bonnie唔介意，仲话对身材未满意，想在9月25日决赛前多减10磅，所以除搵了Avin（陈伟成）帮助操练外，只吃鸡胸及三文鱼等蛋白质为主食物，少食淀粉质食物，「我想个pat pat翘啲，个大髀再瘦，同埋手臂，可能我个胸比较丰满，要减到好瘦睇落去先冇咁横。所以之前我食即食鸡胸都有啲调味，嚟紧比赛前我食嘅鸡胸系白烚鸡胸，要更加地狱啲。」
最新回应