张致恒疑赛前减重失败求对手迁就　大J拒妥协：唔到磅要罚钱

张致恒（Steven）与知名Youtuber大J将于锺培生主办的《培生擂台：无敌杯2021 WE ARE CHAMPS 2021》上对战，赛事于本月18日开打，掀起不少话题。距离比赛不足十日，日前大J在其网上频道大爆收到大会的联络，向他查询能否临时调高原先合约的70KG对赛体重，原因怀疑与对手未能成功减磅有关，大J因此感到不满。

大J上载为比赛操练片段，见他已瘦到肚腩位只得层皮，又操到损手烂脚，为赛事增强体能及打拳击技巧，他指自己在过去五个半月的筹备，每周会用四至五日的时间训练，他的体重一直维持在70KG左右。不过他透露近日收到大会联络：「早几日我收到大会通知，问我可唔可以将合约上嘅体重、原本70KG体重，问我可唔可以调高，我谂系9成9因为我对手疏于训练同练习，冇将体重降到70KG，其实我哋系有五个半月嘅时间去准备呢场拳赛，佢当时报称自己系81KG，有五个半月嘅时间，绝对够可以降落去70KG，而家大会问我可唔可以将个体重调高嚟到打，即系佢唔到磅啦，佢唔到磅一来佢要罚钱啦！」虽然大J没有提及对手的名字，但明显是指Steven。

由于要到赛前一日才知道双方的真实体重，但大J强调自己绝不会妥协：「我绝对唔会妥协，我要配合佢，将我嘅体重调高嚟同佢打，我系唔会罗，因为最初合约写明系70KG，就系70KG，我绝对唔会配合佢呢样嘢。」不少网民对大J的坚持，大表认同：「自己有血有汗、辛辛苦苦捱番嚟，点解反而要勤力嗰个退一步。」、「减唔到咪受罚罗，唔应该就佢，唔系做乜要签合约。」而Steven于三日前贴出新相为实事倒数，对比起几个月前的确有瘦了少许。