【独家】合唱《心兽(怪物Version)》再演音乐剧 Mischa Manson变熟络想再合作

即将于9月18日举行入行9年来首个音乐会《叶巧琳Mischa Ip 2021音乐会》的Mischa（叶巧琳），继早前搵来《全民造星III》队友Manson（张进翘）客串演出《怪物(心兽Verion)》MV后，最近再邀对方合唱《心兽(怪物Version)》，他们表示两次合作是早有安排，而经历过合演音乐剧《挛挛成人礼》变得更熟络，希望下次再有机会合作。撰文：杜杜 摄影：沈健程 形象：Alan Ng(Mischa)、Jo Meh Ah 发型：Milk Chan@Xenter(Mischa)、Jay Yeung@The EDGE Salon&Academy 化妆：Cyrus Lee(Mischa)、Deep Choi 服装：Goenjoffical from farfetch(Mischa)、SANDRO及ONITSUKA TIGER

Mischa（昵称Mi）写《怪物》时，已想好有两个版本，更请来波多野裕介一次过将歌曲两个版本编写得充满电影感，但觉得《心兽(怪物Version)》要多把人声，于是就想到搵Manson合作，「我觉得佢好适合，佢把声音好多变化，佢系演开戏，我想要嗰种电影感效果，佢系绝对能够驾驭到。」两人虽然在《造星III》都是A组，但未试过小组合作，原来并不熟络，Mischa说：「除咗毕业礼个演出，真系倾偈都冇，只系食饭飘过，但系今次出到嚟效果都几好呀！」Manson形容获Mischa邀请时是𦧲饭应，「我听完demo觉得好好听，好有电影感，真系世界观嘅一首歌，好想参与，跟住先至有MV呢件事。」

Manson多得Mischa开解


Mischa和Manson坦言直到录音都依然生疏，到拍MV时连踩20多个钟对足一日才稍为熟识，要数真正了解要到合作《挛挛成人礼》，Manson说：「我哋由学歌到排戏，好似经历好多小关卡，我同Mi都系第一次做舞台剧，过程里面我有啲嘢好钻牛角尖，Mi就好似一个帮我纾解谂唔通嘅姐姐咁，系咪嬲咗！哈哈！（Mi：系呀！我同佢讲，如果听你唱live好似播碟咁，而唔系睇个感情，样样嘢都系咁完美时，你系咪一个人呢？！我会咁样拉番佢出嚟。）」两人又不排除再有其他合作机会。



讲到跟「妈妈」梁祖尧合作，两人坦言继续有得着，Mi说：「仍然喺佢身上学好多嘢，我谂佢（Manson）喺身上学更多，因为佢挣扎过，佢角色揣摩比较难。」Manson说：「我喺揣摩角色时有好多挣扎，好似收得好埋嘅心兽同埋怪物咁，令到戏剧上太过乖，变相个角色唔有趣，『妈妈』同我倾偈畀咗好多方法我去尝试，令我明白用方法做就得。」