独家丨谭嘉仪晒性感泳照被网民撩开心唱晒两线剧主题曲

2021-09-19 20:15

谭嘉仪好开心最近两线剧《智能爱人》及《七公主》都有份参与，不但在《七公主》饰演烈女「夏玉凤」，更难得演绎两首主题曲《不可能发生》及《你我他》，而前者更完全反映她当年Long D失败感受。讲到近期频频晒泳装照相当养眼，嘉仪自爆晒泳照后被网民撩，但只是善意讲笑完全不介意。撰文：杜淑霞摄影：沈健程服装：USAGIONLINE HK

嘉仪认为能够同时唱两线剧主题曲机会难得，「之前试过就嚟完又叠住新嗰套剧，叠一个星期咁，今次搭晒就少有啲，好似月食咁样，几年先至难得一见，难得一遇嘅机会。」她更开心《七公主》自己都有份演出，而演唱《智能爱人》主题曲《不可能发生》，就特别容易投入，「自己都好多呢啲经历，好多呢啲不可能发生嘅爱情，自己都好代入得到。」

Long D情年半终失败

嘉仪所谓的不可能发生的爱情，发生在未入行前读书时，Long D情只能维持了年半，「我哋喺香港认识，佢系嚟香港旅行，我就喺纽西兰读书放假返香港就识咗佢，发展咗一段好难忘嘅爱情，去到最后都系不可能发生，因为大家都要喺唔同地方生活，不过大家都唔系不欢而散，反而好关心对方先分开，希望对方好先至分开，所以大家仲可以做到好朋友。」

近期嘉仪趁住夏天不时出海玩水上活动，仲派福利在社交网大晒性感泳装照，而且身材相当有睇头，但她就谦称：「我系肥啫！」不过她自爆性感照引来网民口花花，「我放咗喺泳池边泳衣相，有人留言『传说中那个泳池』，我就搲晒头，后尾有fans inbox资料畀我睇，我终于明白咩意思，原来日本嗰边有个泳池系畀人去拍片嘅。（AV片？）系，所以我完全唔知，不过佢哋系讲笑，所以咁问我。（成日俾网民撩？）可能有啲留言『好白喎只脚』，但都系善意，欣赏嘅角度，佢哋都好乖嘅。」但问到能否接受性感演出，嘉仪就话要睇情况决定，「性感演出要睇程度，做运动健康性感可以，总之成件事要正面，演出都要衬到只歌先得。」