独家丨马德钟唔敢睇番以前作品　马在骧演处男剧未达老窦要求　

马德钟（Joe）与儿子马在骧（Xiang）首次父子档合演新剧《我家无难事》，对于囝囝饰演自己的年轻版，他只给予对方50分，仅合格的Xiang笑言「好好㗎喇」，Joe即谦称：「我自己都系得52分。」自幼陪爸爸入厂开工，两父子又经常一齐睇戏，Xiang耳濡目染下也对拍戏感兴趣，问可让囝囝入行？Joe说：「读埋书先，毕业后等佢自己选择路向。」撰文：黎宝伦　摄影：沈健程　化妆：许智华　发型：Sue Cheung@Saloon•Festival Walk　服装：FILA HK

首次跟影后鲍起静合作，剧中饰演其大仔「得勤」的马德钟坦言过足戏瘾，「呢套戏好真实，好多子女都冇顾及妈妈嘅感受，剧中经历好多嘢令大家醒悟到妈妈同家庭嘅好，希望观众都多啲关注同陪伴父母。」笑问马在骧平日可有驳嘴？他直认不讳，马德钟即表示：「咁先系一个家庭，」

唔怕比较尽力就好
Xiang在处男剧中饰演「得勤」年轻版，拍摄前也请教爸爸动作与讲对白技巧，问囝囝有否演戏天份？Joe指Xiang有许多进步空间，亦赞对方比自己的第一次好得多，「我系木独啲，演得难睇啲。演员喺每一个阶段都有进步空间，即使我做咗咁多年，每一次拍摄都系学习过程。」并笑称与太太张筱兰也不敢重温过去「不自然」的作品。另Xiang自认讲对白未达爸爸标准，表情也未做到足。问到毕业后会否入行？他说：「未知住。」

过去不少「星二代」被指靠父母，想必很大压力吧？Joe称：「佢系我个仔就要俾人讲㗎喇，有好有唔好啦，好处系人哋好快识你，唔好处系条路好似难行啲。」Xiang亦表示：「啲人知道我系佢个仔，已经有少少帮助。（怕比较？）冇乜所谓，人哋想讲咩咪讲咩，如果讲拍戏嗰啲，自己尽咗力都系差嘅，咪下次再做好啲罗。」