张敬轩计划搞以物换物活动 场地至少需5、6千尺

张敬轩和林芊妤（Coffee）今日在铜锣湾出席活动，轩仔早前在社交网自爆取东西时弄伤腰部，他透露已渐渐康复，并即场示范伸展动作以证明已经无事，轩仔笑说：「之前爬楼梯执仓期间听到电话响，唔小心踩空一级跌落地，我已经醒目扭一扭背部先落地，但可能就系呢个动作拉伤咗肌肉。」轩仔表示已经照了X光，骨头没有大碍，现在只是有少少酸痛，不过之后还要接一个特别的project，他续说：「要爬上好高嘅地方，克服畏高，都要开始接受训练。」

另外，轩仔有意明年搞一个以物换物的活动，因自己收藏品太多，加上近来朋友之间都有类似做法，令他觉得既环保又有意义，自言是年青人版的救世军，他笑说：「我有好多英式银器同复古家俬可以用嚟交换，想换啲悭位同簿啲嘅嘢，今次受伤都系因为执仓，不过场地方面至少要5、6千尺，好多嘢都好大件，我有朋友仲系储电单车，之前王菀之帮一套动画配音，电影公司送咗一套1:1嘅动画角色，佢冇地方摆就送咗畀我，其实就算唔系所有物件都用嚟以物换物，都可以将部分做展览，亦有计划同慈善团体合作。」