陈苇璇激罕晒三点式 着旧泳衣证身材冇变过

陈苇璇（Kira）一头清爽短发，感觉好男仔头，虽然大家都见过佢跳性感舞，但三点式就真系激罕好少见。噚日Kira喺IG晒出泳衣照话：「话说我成个夏天都冇去过沙滩，琴（噚）日谂住去买泳衣认真喺夏天嘅尾巴走之前晒下，点知全部地方都系卖紧冬天嘅衫，全屋剩返一件好耐好耐以前嘅泳衣。Anyway，今日好好天，晒左两个钟，开心。」

多年前嘅泳衣仍然啱著，即系Kira相隔多年身材都冇乜走样，依然好fit。另外， Kira平时禾秆冚珍珠，原来上围都算有睇头，难怪有网民忍唔住话：「咁索得唔得㗎？」、「流鼻血喇我！」