独家丨胡渭康Model试身冇忽似54岁 女友人陪行名店畀意见

方便后生读者，介绍返先，呢份稿主角叫胡渭康，1982年参加第一届新秀，84年组成三人男团小虎队，出过歌《忍著泪说GOODBYE》，85年解散，之后发展好长唔讲嘞，自己睇维基啦，去到重点嘞，无错，胡渭康今年54岁，但你望吓张Opening相，边忽似啊?

采访:梁志明

日前傍晚，着住粉橙色Tee、束脚运动裤加斜孭袋嘅胡渭康同女友人现身铜锣湾时代连卡佛，因为生得高，所以一眼就发现佢，两个人行入名店已经周围望，望咗一阵开始用手接触，左揭右揭，被胡渭康揭过嘅都系长身恤衫或外套，知佢今次想买咩啦。

睇中唔啱身好惨
拣咗一阵，胡渭康睇中一件盛惠12,900蚊嘅牛仔外套，见到啱即刻试上身，唔知件衫咩码，但胡渭康着上身都显得大件，膊头好松袖又长，见佢问店员，又同女友人商量咗一阵，得知应该冇佢码惟有除落嚟再拣过。之后见佢拣白恤衫，又望吓女装裙，行咗半个钟都无啱心水就离开。