头条戏场丨《007：生死有时》唔系Fans都要入场见证历史

《007：生死有时》是007系列的第25部，承接著2015年《007：鬼影帝国》的结尾，谂住退休的占士邦(Daniel Craig饰)同Madeleine Swann(Léa Seydoux 饰)揸住Aston Martin DB5绝尘而去，以为匿埋低调过平淡生活?唔好玩啦，你系占士邦呀。Daniel最后一次演占士邦，除咗一向超乎常理嘅避弹能力外，更变成一个更有血有肉嘅人。(上映中)撰文:廖思慧

作为首部采用IMAX摄影机拍摄的007系列，部分内容呈现 1.43:1 IMAX银幕完整画面。导演Cary Joji  Fukunaga说：「用IMAX巨幕呈现嘅电影更好睇，我认为呢部戏最令人兴奋就系用咗IMAX胶卷底片拍摄，每一帧画面都非常巨大，能够容纳最多的资讯及细节，感觉好唔同。」

爆破场口有望创纪录
007一贯内容不外乎枪战、追车及肉搏，但IMAX画面的确令动作场口更加惊心动魄，靓景就当然更加睇到好想去，如电影开场在意大利古城追车一幕，嗰种宏伟同靓同震撼唔睇IMAX真系好浪费。另外今集有两场大型爆破场面，其中一场是电影的高潮位，在英国国防部于索尔兹伯里的军事训练基地拍摄，一个镜头中连续三次大爆炸，每个爆炸都用了40公斤炸药，有望刷新史上最强火力的电影爆破场口纪录。

电影片长164分钟，开头满分，结局好悲壮，反派Safin(Rami Malek饰)弱到唔想讨论，睇呢类片种唔使讲逻辑，总之商业片应有嘅元素齐晒，仲要好丰富，作为Daniel Craig最后一演，好想同佢讲句辛苦晒。