独家丨谷娅溦有望年底开个人骚来港未如意靠「倔强」冇放弃

2021-10-03 23:15

谷娅溦（溦溦）继推出首次包辧曲词国语作品《别再回头》后，最近再推出自家创作国语歌《倔强》，今次更是剖白自己故事，原来她来港发展6年未如意，连家人、身边朋友及fans都劝过她放弃返回内地，正因倔强性格，决定要做点成绩才放手，幸而这年发展终露曙光，年底更有望举行首个个人骚。撰文：杜淑霞摄影：叶君海发型：Zap [email protected] 场地：The AIR (The ONE)

连续推出两首自家作品，溦溦形容就如看到亲生骨肉出世一样，「同之前出歌感觉好唔一样，呢个好似亲生BB，之前嗰啲好似系收养返嚟。（有种血脉相连感觉？）系！就系呢种感觉，原来所有嘢全部一手一脚去做，嗰种成功感，完全唔可以用言语形容到嗰种心情，用开心已经系好低级。」溦溦为「亲生BB」不单帮手构思MV，更加参与埋剪接工作，「最初剪出嚟版本唔系我想要嗰种感觉，于是导演叫我埋去剪接，剪咗10个钟，剪到只眼都差唔多盲。」虽然辛苦，但看她讲得兴起就知好享受。

将失败经历摆上枱

溦溦对这歌份外紧张，可能因是她来港发展的真实感受，6年发展未如理想的她，原来家人、朋友及fans都劝过她返内地发展，她就是想透过这歌作回应，「我嘅性格就系呢首歌《倔强》，始终觉得嚟咗一个新嘅地方，唔想乜都未有做成功过就走咗，呢个唔系我嘅性格，我系唔会认输！呢首歌好似系自我嘲笑，自揭伤疤，我愿意将呢样嘢摆上枱面同大家分享背后嘅故事，即系我已经睇开咗，我都想用自己故事去鼓励每个有梦想嘅人，追梦过程有好多唔好嘅事发生，但唔好咁易放弃。」

3年前一度闪过放弃念头的溦溦，对于近一年发展机会不断感幸福，「今年机会真系多咗好多，出埋碟，拍埋剧，出到自己想做风格嘅歌，嚟紧年尾仲有大事情发生。（系咪开骚？）系啦！呢个系我一直以嚟都想完成其中一part嘅梦想，突然间觉得好幸福。」