姜涛多得队友帮手捉实 完美击中Anson Lo额头

MIRROR 早前接受音乐平台访问，访问中更大玩「蒙著嘴大电视」，难得12子合体，众人都变回大细路，玩得非常投入，笑料百出。他们分成两队「普通组」由Anson Lo (卢瀚霆) 做动作带领 Alton (王智德) 、姜涛 、Ian(陈卓贤)、Tiger(邱傲然)、Frankie (陈瑞辉) ，而 「精英组」则由Edan (吕爵安) 做动作带领Lokman (杨乐文)、Jeremy(李骏杰)、Jer (柳应廷)、Ak (江𤒹生)、Stanley(邱士缙)。

游戏由「普通组」一队先开始，Anson Lo 相当落力做动作，可惜队友们完全估唔到，更一副嫌弃的样子，笑指：「你讲几多个字先」、「你知唔知自己做紧乜」，最后AL一队只得6分。反而Edan 带领的「精英组」，实力相对厉害得多，其中要估「花姐」两字，Edan 做出大肚腩手势来形容，AK 秒速估中，Jeremy 即搞笑问：「点解花姐系咁嘅？」最后Edan一队以15分胜出。

「普通组」一队以大比数落败，各队员一致举手投票由Anson Lo 接受大惩罚，再全员通过由同组队员姜涛负责弹额头。要接受大惩罚的AL 大表紧张，大嗌救命表示: 「你哋畀我心理准备下先 。」又叫Edan 唔好捉住佢块面，接著又问姜涛 :「你知道系弹额头架？你只手可唔可以高少少。」在AL 扭扭拧拧下，姜涛狠心表示：「捉住佢只手」，身边队友夹手夹脚捉住AL，在姜涛数3声下完美击中AL的额头，姜涛更指，平时除咗练习唱歌跳舞，第3样就系练弹额头。

正当Tiger想话快啲再弹第2下时，他口快快说：「趁佢(AL)未红..」AK即抢着说:「阿Lo 未红？」Tiger 即刻解释：「额头未红!」场面相当搞笑，弹完第2下，AL眼泛泪光，呆了几秒，网民都纷纷留言表示心痛。落败队伍最后更要落力推介12子的口罩 ，姜涛表示：「每日根据你嘅心情，去用唔同嘅颜色」而被弹完的AL似乎仲未回魂，笑指：「做紧咩啊而家？」只简单表示「好舒服！ 」 姜涛即刻借势话：「咁嚟多次（弹额头）……！」游戏在欢笑声中完结。