马国明荣登镜后劲麻甩榜首 Bob再次失落第一唔忿气

游戏节目《思家大战》上周日推出的「思家观众大战」TVB台前幕后民调问答游戏，题目为「讲一个镜头前几高质，镜头后劲麻甩嘅TVB男艺员」，今午官方网站揭晓终极答案！

是次荣登榜首的男艺员为马国明，其馀依次为马德钟、黎诺懿、郑嘉颖、何广沛及林盛斌（Bob）！冠军得主马国明众望所归，其实早于答案揭晓前，已有大批网民路过投马国明一票！据幕后工作人员透露，马明之所以荣登榜首，全因其率性随意性格：「佢私底下一啲都唔贪靓，有时著件白背心就返工。份人又冇架子喎，成日喺大canteen见到佢自己一个食饭，感觉好似街坊咁，唔讲真系唔知佢系做幕前嘅。」

同样上榜的黎诺懿，则为好友马国明澄清：「其实马明一啲都唔麻甩喎，马明系锺意踢波咋嘛。马明喺镜头后其实好斯文同好怕丑，尤其一多人或者有女仔喺度。」谈到自己上榜原因，黎诺懿大方表示：「可能我私底下嘅用词偶尔会有乡下话（粗口），所以麻甩。」

至于搞笑的Bob，其上榜宣言则「麻甩不足，搞笑有馀」：「对于有人觉得我喺镜头前系高质，我系表示震惊但系欢迎嘅；我真人麻甩到咁都竟然攞唔到第一名，我系表示极度失望同遗憾嘅！」「记恨」的Bob更笑言对于上次「大胃王」一役输给陈嘉佳（细细粒）已相当唔忿气：「嗰次攞唔到第一名，我已经好唔开心㗎喇。」