独家丨许靖韵遗憾未能见最后一面 内地工作公公突然病逝

许靖韵（Angela）新歌《I'm Sorry》讲一脚踏两船，现实中她试过暧昧三角关系已觉很烦，出轨更加不懂应付，但也有人令她很想讲对不起，就是早前离世的公公，因她在内地工作未能见公公最后一面。不过收到坏消息前，正是Angela难得跟天后大师姐容祖儿开心同台演出，令她度过心情如过山车的一晚。撰文：杜淑霞 摄影：叶君海 发型：Veron Chan@Saloon-Festival Walk 化妆：Sakura Chow 服装：Snidal场地：The AIR (The ONE)

Angela认为以往唱的惨情歌多是失恋为主，想试一次做加害者，将hurt人故事放入这首歌，连MV都讲一脚踏两船，不过她坦言现实冇本事搞三角关系，「MV入面都冇拣到同边个一齐，因现实中我如果遇到咁情况，都唔知点拣，我系好怕选择，所以都系唔好搞咁多嘢，一直同一个就算，之前自己有试过咁样觉得好烦，我讲大话会穿，因为会心虚，我有经历过类似首歌嗰种关系，先写咗呢个方向出嚟。」

感激祖儿陪练舞

提到现实中要跟人讲「I'm Sorry」，Angela没有选择旧情人，反而想跟8月时病逝而她未能见到最后一面的公公讲，「当日送佢最后一程都有同佢讲『I'm Sorry』，我觉得好遗憾，我同佢关系系好亲，佢系好锡我，有老人痴呆全部人都唔记得，都记得我。其实成个过程好突然，喺佢走之前一个星期妈咪讲佢入咗医院，以为佢会好番，过咗危险期安心啲，睇我社交网都会见到我post咗同祖儿表演，之后凌晨就收到消息，嗰吓我系冇喊，但系手震，好突然嘅伤心嗰吓真系喊唔出，真系要好好珍惜身边人，因为唔会知几时系最后一次见。」

公公离世当晚是Angela近期最伤心亦是最开心一晚，因首度跟大师姐容祖儿同台劲歌热舞，而且获对方特别照顾令她好感动，「之前比赛我已经系跳舞跳得最唔好嗰个，所以特别紧张，但祖儿超好，有个动作要dancer升我哋起身，祖儿陪我试咗好多次，一路陪我练跳舞，我真系唔好意思，好彩嗰晚好顺利，所以好开心。」