独家丨李海清靠做健身教练撑住为实现跳唱歌手梦瞓晒身

2021-10-28 23:45

跳唱歌手成本特别高，冇公司支持绝对是烧银纸之举，但前组合Mascara成员李海清（Jojo）散团单飞后，为实现歌手梦，坚持自资制作歌曲，靠做健身教练及美容KOL等副业撑住，继年初推出《话CYBERBULLY》后，好叻女早前再推出第二首单曲《I Hate That!》，为追梦真系可以话瞓晒身。撰文：杜淑霞摄影：沈健程场地：King's Fitness

15岁开始做兼职模特儿的Jojo，入行前曾任美容师，后转做全职模特儿及以「DJ Barbie」之名做DJ打碟，再经朋友介绍到酒廊唱歌。之后她跟好友莫晓欣（Hy）及贝贝（Buibui）自资组女团Mascara正式出道，19年更获公司赏识签约，但推出两首歌后散团收场，「我哋3个人本身工作唔同工种，宣传都夹唔到一齐做，有啲人又冇咗嗰团火，所以最尾就冇咗。」

望两年后开音乐会

散团后Jojo那团火依然烧得劲，仲好勇自资6位数出歌，今年已先后推出两首歌，「第一首歌叫《话CYBERBULLY》讲网络欺凌，《I Hate That!》似系延续篇，俾人欺凌之后仲系好嬲，主要带出一个讯息，我哋好多时同人有唔同意见就唔敢出声，好惊俾人排斥，《I Hate That!》想话畀大家听，应该坦白表达自己感受，勇敢去做真正嘅自己，咁样先至可以活得自在。」

Jojo坦承做跳唱歌手经济压力好大，「出面歌手会上跳舞老师私人堂，我真系冇办法咁样，每堂真系好庞大，我就上啲group class，百几蚊，学多啲唔同嘅嘢，但学唱歌冇办法，公价真系好贵。」她唯有靠做健身教练及美容KOL等储钱追梦，「教学生收入都可观，每个月都有5位数，因为女仔健身教练真系比较少，加上我系做私人单对单，同埋我有做KOL去介绍啲美容产品，靠呢两样嘢撑住我，都储咗一段时间钱先够胆出歌，同埋要谂方法悭钱，好多谢我嘅团队帮手，个人出歌冇公司真系唔容易，乜嘢都系自己，做完只歌宣传费先至系最庞大，所以keep住努力储子弹去追梦。」讲到目标她期望两年后开到小型音乐会，「好希望以歌手身份喺乐坛得到一个肯定。」