谢嘉怡做最可爱Joker小丑 自爆万圣节曾吓到嫲嫲尖叫

今日喺万圣节，唔少艺人都换上Cosplay造型，喺社交网平台贴相「呃like」。港姐冠军谢嘉怡喺外地长大，特别重视万圣节，今年佢决定反串扮DC漫画角色Joker小丑，而造型一啲都唔马虎，化行Joker妆，一头绿色假发同着住红色西装，唔讲真系认佢唔到。

不过，呢位Joker一啲都唔邪恶，谢嘉怡伸脷摆出搞怪表情，佢以英文留言：「万圣节系我其中一个最锺意嘅节日，好开心可以扮到我最爱嘅角色！」佢仲分享昔日同表哥吓到嫲嫲用中文尖叫，小时候嘅佢原来都有调皮一面。网民纷纷激赞佢系最可爱嘅Joker，仲话就算玩Cosplay都系咁靓女。