邓月平皮肤敏感惨变「猪头」 教应急秘方一饮即退

现年23岁嘅「宅男女神」邓月平，拥36F骄人身材，不时喺社交网大派军粮，不过日前佢开工就受到皮肤敏感烦扰，好彩有位中医朋友曾向佢推介一条小偏方，佢亦大方分享兼即场「饮胜」。

邓月平上载几张相片，见佢脸颊有少少红点同微微肿胀，佢就即刻拎起支红醋饮两啖，留言话：「饮胜，一敏感，发风瘌。无敏感药系身边，即刻饮红醋效果都系一样！」

邓月平仲上载一张肿到变「猪头」兼烂脸嘅相，当时喺内地冇敏感药傍身，搞到开唔到工，幸获中医朋友推介饮醋秘方：「红醋大概两汤匙份量，冲热水或者直接饮都得，饮完大概15分钟身体就冇咁热，敏感就会慢慢退。如身边朋友冇药或唔想食药，都可以试一试，真系几好嘅小秘方。」