青年心城丨林正峰处男拍喊戏感压力 斗志尽失被黄子雄掴醒

由林正峰（阿峰）和游嘉欣（阿欣）主演的新剧《青年心城之撑起青春》昨晚（7日）大结局，剧情讲述自卑心作祟的阿峰，向阿欣道出Loser心声：「我做咩都要靠你，我系咪成世人都要做你寄生虫？你存在无时无刻都提醒紧我系Loser。」之后阿欣激动反击：「失败唔可耻，最可耻系你不停搵藉口，你唔肯接受失败，又唔肯反省边度做得唔够好，将唔可能改变嘅事实去合理化自己嘅失败，呢个世界本来就唔公平架啦，个世界都冇欠任何人架！」

林正峰在大结局中为了演绎「自食其果」的阿峰，可谓吃尽苦头！除了要在草地上痛苦爬行执花球、又要半裸跣出「吹气水池」、兼硬食坚叔（黄子雄）的巴掌。事缘因腰骨出现问题以致下半身暂时性瘫痪的阿峰，不但变得更颓，且丧喊放负，看到眼前女儿阿欣的爱人斗志尽失，坚叔看不过眼，并大巴大巴务求掴醒阿峰：「唔想两脚一伸，就畀啲力企番直！残系状态，废系心态！」

原来是次是正峰首度挑战喊戏，他坦言接到剧本时劲担心：「我系冇乜自信嘅人，平时好少喺人面前喊，今次仲要喺咁多人面前喊，开头真系有啲吓亲，好惊自己喊唔出。之后我不断请教人应该点做，好彩去到现场系喊到嘅。但因为唔止拍一次，我第二次已经喊唔出，好彩子雄哥帮我，问我点解要喊，之后我就入番戏，好多谢佢。」

结局篇另一亮点，是「后生仔之母」冯盈盈的友情演出，在剧中饰演贤粉Angelina的她，虽然只是客串性质，但却相当瞓身，除了要全程戴颈箍惨变「梗颈盈」，更要在农历七月到鬼屋拍戏兼献出第一次扮女鬼。谈到盈盈的女鬼Look全程「唔见样」，盈盈笑言有难度：「最难系要睇路！现场又黑喎，所以都真系要同事扶我。仲有一样嘢更加难，就系要忍笑，因为我要一边唱《皆大欢喜》，一边跳十字步，实在太滑稽！」谈到再与「后生仔」合作，盈盈笑言开心又轻松：「因为我哋成班合作咗好耐，一早有晒默契，所以一埋位就有火花，大家都拍得好投入！」