「折骨Ben」同阿正一齐跳折骨舞 反晒白眼冇晒符

ViuTV选秀节目《全民造星IV》播咗两个星期，第一轮囡囡仲未出晒嚟，呢两集见到啲囡囡、导师同花姐（黄慧君）都恰晒眼瞓，回忆返晒嚟，因为以往三届嘅第一轮都系马拉松式进行。上届《造星III》冠军「折骨Ben」赵祥诚（Ben）签咗寰亚，但唔觉眼有咩演艺方面嘅工作，但广告系唔少嘅，不过而家有样好，就系你冇Job咩？都仲有社交平台可以畀你曝吓光。

其实阿Ben个IG几好睇，因为有好多跳舞片，有时自己跳有时同人夹嚟跳，可观性好高，最新有佢同阿正（黄正宜）一齐跳折骨舞，你冇睇错，系《胶战》嗰个阿正，佢都识跳折骨舞?总之阿Ben就跳到反晒白眼，睇片啦。