黄宗泽「出猫」企高一级搭住身高差一尺糖妹合照变身巨人

2021-11-27 08:30

糖妹（黄山怡）最近跟黄宗泽（Bosco）结戏缘，两人齐齐拍外景，还边工作边自娱。今日Bosco喺IG上载两张二人合照，看似一本正经嘅Bosco搭住糖妹膊头，糖妹高度只去到Bosco个心口位置，身高差大，Bosco如同变身巨人搭住个小妹妹咁，相当搞笑。网民再睇真啲，原来Bosco企高咗一级。翻查资料显示，糖妹身高四尺十一寸，黄宗泽就五尺十一寸，两人身高差系一尺，加埋黄宗泽「出猫」，两人身高差更大。

难得Bosco仲忍得到笑，而糖妹双眼向上射住Bosco给他大姆指，另一张糖妹就单晒眼高举胜利手势，还留言：「喂呀大佬！」不过，有网民睇唔过眼，留言叫Bosco唔好欺负妹妹，又指Bosco「出猫」：「落返嚟影过。」糖妹就攞到好多同情票，写上：「最萌身高差」、「糖妹好可爱」、「糖妹好似细路女」。