吴保锜扮「水拨式」舞姿竟被网民狂踩：陶大宇跳得好啲

2021-12-01 22:45

58岁嘅「师奶杀手」陶大宇之前喺内地商演，「魔音版」翻唱刘德华《倒转地球》加埋「水拨式」舞姿成为洗脑歌，有关登台片段火速喺网上疯传，被网民取笑为「爆笑神曲」及「乐坛欠他一个交代」，亦意外地令陶大宇人气急升。而ERROR成员吴保锜乘机抽水，日前喺IG恶搞大宇唱腔及台风，无论表情和语气都劲神似，吸引咗陈家乐、张纹嘉及一众网民等留言。

见大家咁好反应，保锜意犹未尽，今日再添食，追加多一条跳舞片，打后还放多条陶大宇跳舞片嚟做对比。仲搞笑地写上：「最近大爱的一只舞，练习练了一段时间，决定分享给大家，学海无涯」，呢条片依然受到网民关注，除咗话好笑，大赞好神似外，有啲笑佢「就嚟变吴大宇」；亦有啲唔企保锜嗰边踩他话「陶大宇跳得好啲」、「真系好烦」、「唔够柔软呀你，再嚟过」、「陶老师做得好过你呀」、「可唔可以唔好咁爱陶大宇呀你」。