独家丨陈琪吴日言黄芳雯趁机取经 主持《学霸睇楼团》狂睇楼

陈琪、吴日言（Yan）和黄芳雯（Paula）最近首度为香港开电视主持《学霸睇楼团》，3位妈妈都坦言有了小朋友后，对住屋需求起了很大变化，拣楼准则都跟仔女有关，而今次有机会参观不同区及价钱的楼盘，令她们增长了不少智识，更趁机向节目中的专家取经，为子女将来升学铺路。撰文：杜淑霞 摄影：沈健程 发型：Sue cheung@saloon festival walk(陈琪)、Oscar Ngan@iialchemy(吴日言) 化妆：Phoebe Y Image(陈琪) 场地：babejordan_party

陈琪跟胡诺言育有三名儿女，长女已12岁，她坦承小朋友渐大，对住屋需求都有所不同，以往三个小朋友一间房，但现在想各自有私人空间，「咁就出咗问题，我哋12年都冇搬过屋，点样喺间屋搵个地方畀间房你呢？之前物色过，但要4个房间屋要几大？同老公计完数未必负担到，咪同啲小朋友讲将就下先，畀多两、三年我哋去准备。」


注重小朋友空间
Yan和Paula直言二人世界时，同现在升呢做妈妈，搵楼最注重畀小朋友空间。Yan说：「二人世界嘅话，梗系会谂吓衣帽间、主人房几大，有咗小朋友后会谂佢嘅活动空间够唔够，或者佢叫啲朋友仔返嚟，个厅够唔够佢招呼呢？」Paula亦认同，「尤其疫情好多地方都冇得去，如果屋企有个小花园，小朋友都有得放电，安心啲安全啲。」

本身锺意睇楼的陈琪，照顾仔女后未有时间再睇，开心今次节目又可以去见识，「真系几大开眼界，因为我哋真系走咗咁多区，有啲我真系成世女都未去过，好似去筲箕湾我都好似发现新大陆咁。」而Yan和Paula开心主持之馀亦学到嘢，Yan说：「我哋有好多专家畀意见，点样去拣学校同去观察小朋友喺边方面发展，我个女啱啱讲嘢多啲，我都想了解佢多啲，透过节目可以好帮到我。」Paula长子明年升小学，做节目啱晒时机，「可以帮我备课温书，了解多啲，点样填嗰啲表，好彩有陈琪佢哋畀咗好多意见我哋。」