Juicy叮｜屡见清洁工偷懒揸报纸打卡扮工 网民：影完几张相就收工

清洁向来是厌恶性行业，不过有网民在facebook群组「荃湾人」发帖，称多次见到有清洁工手执一份报纸，拍照「打卡」后就收工，结果不少网民纷纷称遇过，更称是「绝世笋工」

网民称，「已经系第二次见到几个着住工程衣，带埋头盔同洗碗手套嘅女人喺荃湾地铁站附近扮做清洁打卡。两次都系有另一个女人负责影相，仲一定要影埋XX日报嘅唛头入镜」。

结果原来其他网民都目睹过，「影报纸是代表当日，但见过只是抹一分影左便走」、「每日都有，唔系扮清洁工，佢哋真系清洁工，只系扮开工」。有人指「荃湾天桥电梯，成日都见佢哋净系揸住啲清洁工具影相就走，我话你哋唔系抹㗎咩，净系影相呀？佢哋都唔出声」。

有人更不满被这些清洁工阻碍，「佢哋只系不断转pose影相，连一两嘢都无抹过。仲要阻住我搭𨋢」、「见过好多次，重要畀佢影完先可以搭lift，阻住我追巴士」

有人更指不只是荃湾独有，「一条抹布走天涯。唔止荃湾，我见过马鞍山抺扶手栏杆全程一条布影完相就走…香港政府啲钱就咁就俾咗呢啲公司 」、「喺葵涌都成日见到，影完几张相就收工」

帖文转载自facebook群组「荃湾人」