独家│85岁谢贤撑拐杖入餐厅险跌倒 叹啡过日辰助手全程傍实

四哥冇出席修哥6月举行个红馆演唱会，令人担心他的健康状况。

 

85岁谢贤（四哥）镜头前永远英俊潇洒，不过近年多次传出他身体抱恙，去年出席已故好友谭炳文（炳哥）丧礼时更罕有地撑拐杖现身，加上没有出席老友胡枫（修哥）6月举行的红馆演唱会，令人担心他的健康状况。日前，本报撞到四哥喺浅水湾散步，同样撑住拐杖，今次仲有助手全程照顾，见佢精神好好，星味依然浓，引来途人系咁偷望。采访：张咏森

虽然屡传四哥身体抱恙，但7月时为《杀出个黄昏》宣传都不知几精神。 ​

 

8月仲同前妻拉姑一齐睇《怒火》首映支持霆锋。

7月时四哥为主演电影《杀出个黄昏》做宣传，都见他风采依然。之后更孖前妻狄波拉（拉姑）一齐睇阿仔谢霆锋主演电影《怒火》首映，见他着得咁靓仔、步履轻盈咁蒲头大家都放心晒。不过四哥话晒85岁，私下出入都需要拐杖辅助吓！

去年出席已故好友炳哥丧礼，四哥罕有持拐杖现身。

 

喺浅水湾打发时间，临近黄昏最好就坐喺长椅望吓海。

 

星味浓引人望

日前晏昼约4点，四哥连同助手坐七人车到达浅水湾，先到商场行阵。见四哥行动都比镜头前缓慢，手持拐杖行得好小心。其间都冇乜行入铺头，喺商场得个行字，相信都系打发时间居多。由于四哥以一身招牌打扮，黑超、Cap帽、黑色外套加埋条马尾，途人一眼就认出他是四哥，浓到化不开的星味真系唔输而家班镜仔㗎！

 

四哥一身招牌打扮行街，途人都忍唔住偷望。

四哥虽然攞住拐杖，但助手都扶实佢落扶手电梯。

入餐厅险跌倒

四哥虽然有拐杖辅助，但亦都带埋男助手出街，而呢位助手哥哥都好尽责，对眼好少离开四哥，尤其注意四哥啲脚步。好似落扶手电梯咁，佢都有伸手扶一扶，离开扶手电梯都望到实四哥每一步，深怕他跌倒。二人步出商场，助手陪四哥到长椅休息，随后到餐厅叹啡。入餐厅时要抬腿跨一级，四哥似乎有啲心急，差啲跌倒，助手同餐厅员工都即时吓一吓，伸手扶实四哥。叹咗一阵啡就埋单，但四哥似乎想食多支「啡后烟」先上车，不过身上冇烟惟有作罢，最后乖乖跟助手上车离开。

 

四哥行入餐厅，心急得滞险跌倒。

 

四哥虽然话永不言退，但生活步伐早已慢下来，呢日见佢叹咖啡都非常写意。

 

四哥同拉姑都是一代巨星，大仔霆锋可以话系青出于蓝。

 

四哥于17年宣布与相差49岁嘅上海女友Coco分手，结束12年感情，但随后多次传出复合。

 

四哥为演艺圈贡献良多，2019年获金像奖颁终身成就奖。