独家丨施匡翘承诺到时必有嘢睇 得七首歌开处女个唱冇有怕

出道两年多的施匡翘（Zaina），趁圣诞节「处女下海」，于本月20日在九展开日夜两场《stay》音乐会。之前她在社交网上载一辑性感靓相，身穿低胸裙展露「汤碗胸」，对于大家对她有「期望」，她承诺演唱会时一定会有啲嘢睇，至少都会骚吓46寸长腿。

采访：方骞平   摄影：叶君海   服装：MODEMENT   化妆及发型：Wingkee Makeup   形象：Janae陈灏而   场地：FAM囍公馆

十二月有好多歌手开骚，施匡翘都嚟凑热闹。

 

施匡翘形容开处女Show好突然，「个半月前经理人Apple姐打嚟同我讲，问我『年尾搞个演唱会好唔好？』一星期后就话行动喇，其实出道时间尚短，虽然好似早咗啲开骚，但开完个唱后能增加经验系好事，有得做就gogogo尽力而为啦！𠵱家算几好，除咗唱歌以外会拍吓剧集，仲会学车及排舞，生活过得好充实。」

之前施匡翘在新城颁奖礼记者会上大晒「汤碗胸」。

「汤碗胸」系性感极限
施匡翘仅推出5首单曲及两首合唱歌就胆粗粗挑战个唱，问到能否撑到成个骚？她就叫大家唔使担心，歌迷都好开通，好锺意听她唱翻唱歌，而且导演将她5首单曲分成几个主题，如《康复期》会比较伤感；《stay》系跳唱部份，到时会有跳舞环节，至于会否换上性感战衣配合？Zaina笑住爆少少：「唔系性感，服装设计系比较夸张，好似着喺模特儿身上咁，平时唔会见到我有呢身打扮，咁我都锺意畀人设计形象试多啲新嘢，不过，上次嗰条火辣红裙系我嘅极限，大胆程度唔会超越呢个界线，相信最多喺露腿。其实上次系尊重新城颁奖礼场合而着，喺朋友鼓励下谂咗好耐先敢放上社交平台。」

施匡翘喺《stay》MV中露46寸长腿。

施匡翘今次小试牛刀，目标喺红馆演唱。

施匡翘游水练气，望以最佳状态示人。

施匡翘搵嚟林德信拍歌曲《差不多小姐》MV，林德信亦会系演唱会嘉宾。