40岁的李施嬅（Selena）今年初宣布与拍拖4年多的星级健身教练车崇健（Anson）订婚，其后透露Anson喺水底向她求婚，非常浪漫。可惜受疫情影响，二人一直未能举行婚礼。今年3月时被问及婚礼筹备进度，Selena竟表示仍然未开始筹备，更打定输数指有机会要2022年先搞到婚礼。咁婚礼都系一个仪式啫，最紧要两个人相处开心。日前下午见到呢对半同居状态的未婚夫妇行超市买餸同买厕纸，虽然全程唔多嘢讲但又好有默契，完全老夫老妻Feel。采访：谭壹致

 

呢碟羊架Selena睇咗好耐，似系不断对比紧雪柜其他羊架嘅色泽，要睇咁耐唔知关唔关佢副超事呢？

 

当日，Selena以「密封三宝」即帽、黑超加口罩去又一城逛超市，未婚夫Anson未到，她已经买到成架购物车都系食材和日用品，睇嚟她不仅非常熟知Anson口味，更因已是同居关系，家中缺甚么都一清二楚。等到Anson走入超市会合，Selena都有询问Anson对食材的意见，睇得出Selena好尊重未来老公选择呀！

 

模范主妇拣食材

Anson是星级健身教练，平时除了健身维持健康，相信亦十分注重饮食。拍拖4年几，Selena早已与未婚夫达成共识，互相影响，见佢选购食材时，买羊架会拿上手小心对比色泽，买鳕鱼亦仔细睇清楚包装上的说明，非常细心。Anson现身时，Selena正为一包蟹脚头痕，拿起问Anson意见，最后把蟹脚放进购物车。目测他们购物车中的食材，都几肯定不是一餐饭的份量，未知是否仍对疫情有所顾虑，一次买埋几日餸，亲自为未婚夫下厨呢？

 

Selena应该唔在行拣海鲜，一见到Anson返嚟即问对方意见，最后成功加餸。

 

Selena买鳕鱼都睇晒包装上所有字，可能想睇吓营养标签，又或者思考紧点煮畀Anson食。

 

行到咁上下，Selena对眼终于离开吓啲食材，周围望吓，似系等紧Anson返嚟呀！

 

埋单袋嘢显默契

买到成车嘢，Selena先把选好的东西给店员计数，唔知Selena是否买漏嘢呢？Anson一度行返转头搵嘢，不过最后都空手而回，然后由Anson主动碌卡，Selena就有默契地拿出环保袋，慢慢将东西袋好。之后推车去停车场啲粗重嘢就由Anson做晒，Selena就像小女人一般跟在未婚夫背后。然后先上车坐好，让Anson慢慢将东西放到车尾箱，再驾车回家。二人全程没有太多对话，一举一动似乎已做了上百万次，可见默契极佳。

 

Selena帮手递嘢畀收银员，Anson就主动递信用卡埋单。

 

Selena自备环保袋，行埋一边默默执等Anson。

 

推购物车去停车场就由Anson带路，Selena成个小女人咁跟喺后面。

 

Anson摆埋啲嘢入车尾箱，就驾车一同回家。

 

Selena今年初于IG公布订婚喜讯，当时仲未公布未婚夫是谁。

 

Anson其实系圈中有名的星级健身教练，有传Anson哥哥系人生教练Brian Cha，都几有家底。

 

Selena未搞婚礼，但已被问及生B问题，她称暂时玩住朋友啲仔女先。

 

受疫情影响未搞到婚礼，真系唔知《金宵2》出街先，定搞得成婚礼先嘞！