立会选举｜管浩鸣:如当选会考虑方法堵塞漏洞 避免陈同佳事件争议重演

立法会选举投票结束，选委会界别候选人、圣公会教省秘书长管浩鸣牧师上电视节目时，被问及如果当选，会有何新方法处理陈同佳事件，他认为需要考虑方法堵塞目前漏洞，例如是域外法权等，避免事件争议重演。

管浩鸣指：「呢个我要再问下法律意见，可以解决梗系希望解决。不过与此同时，唔系解决佢嘅话，都要起码堵塞呢个漏洞，如果再有类似事件发生，我哋应该点样？当然唔一定要重啓逃犯条例，但有无其他方法，令呢个大家都知道的漏洞可以堵塞，我都会考虑一下。」

被问及有何建议方案，管浩鸣认为：「譬如香港可唔可以有域外法权，而家系『属地』，可唔可以改做『属人』？大家都可以倾，但始终无理由将个漏洞摆喺度。」

最后问到如果最后当选，是否会将当选消息告诉陈同佳时，管浩鸣指：「呢个所谓域外法权，未必可以引用到佢（陈同佳）身上，我谂讲紧可能系未来嘅人。佢（陈同佳）嘅问题要同有关当局倾倾，睇下有无可能喺香港解决。始终话佢系自由人姐，但其实一啲都唔自由。」

最新选情请参阅：https://hd.stheadline.com/legco2021/