独家丨张伟文忘掉疲倦感动流泪 直击个唱后台获贴身照顾

69岁「靓声王」张伟文因腰椎病不良于行要坐轮椅代步，不过仍坚持自力更新，相隔两年多再开骚，本周一晚顺利完成于文化中心嘅首场《友情有义演唱会》，张伟文悲喜交集，一开始演绎《每当变幻时》就三度泣不成声，对好友方俊（Aman）贴身照顾，冇唱歌40年嘅姚炜出山相助好感动。采访：方骞平 摄影：叶君海 张伟文演出前除咗要食喉糖提神，仲要方俊及型男哄他笑。   张伟文甫出场就爆喊。 年前张伟文(Donald)因为双脚无力跌倒导致脑积血，要紧急入院放血保命，手术后遗症记忆力大不如前，今次张伟文顺利完成首场个唱，原来负责照顾张伟文嘅好朋友Aman费尽心思，背后做咗唔少功夫。 好友方俊亦做埋张伟文服装设计，呢套收音机电路板衫带出cyber嘅感觉。 方俊好有义气 本报记者当晚现场直击，为咗唔想令到张伟文太攰，他当日下午四点多先现身场馆，五点半拜神切烧猪后就食饭及装身，全程由Aman及五位猛男傍到实，张伟文演出期间，Aman一直喺后台提示他讲乜台词，喺有需要时带佢入歌，声音直接输送到张伟文耳机，所以张伟文演出冇甩beat。张伟文说：「做嘢一定会攰冇问题，唯有食喉糖嚟提神，尽量稳定心情。」不过，去到演出尾声时张伟文开始有啲倦意，搞到助手要帮佢按摩，好彩最后都搞得掂。Aman松一口气说：「要短时间内同张伟文换几套衫，而且要兼顾姚炜服装及形象，跑嚟跑去系吃力，而且个show over run得好紧要，但最重要件事搞得掂，帮到伟文就ok。」 张伟文喺后台时拜神切猪。   当晚由几个猛男傍实张伟文。   方俊喺后台位睇实张伟文。   冬至当天正值张伟文69岁生日，方俊请埋姚炜、尹光及环星唱片老板张国林跟他庆祝。