独家丨Sica 阿Ling心痛梁祖尧负全责《造星IV》赛果被质疑导师孭镬

2021-12-23 22:30

《全民造星IV》明晚（25日）将进行总决赛，回顾由96强开始，其中讨论度最高肯定有21号的阿Ling（谢裕铃）和12号的Sica（何洛瑶）。有人认为39岁兼有四个子女的阿Ling不值入60强；而不断进步的Sica亦不应40强止步，外界质疑赛果，归咎于B组导师梁祖尧下错决定，不过她们均力撑阿祖，认为不应怪责阿祖。采访：杜杜摄影：沈健程

阿Ling和Sica完成赛事后，对在演艺圈发展都有新想法。

Sica自爆被阿祖睇穿，浮夸反应只想掩饰不安情绪。

参赛后决心在幕前工作的Sica，暂时是无业状态，希望搵到间支持她音乐创作的公司发展，更不排除成为独立艺人，自组公司，而她趁这段日子不断学音乐和演戏，最想答谢一班对她不离不弃的粉丝，「当我知道佢哋用好多钱或者心力去做一啲应援，呢啲嘢我其实好心虚，成日质问自己，凭咩可以令到人哋咁做，会问自己值唔值得，咁我唯有做好自己，等支持我嘅人唔会丢脸。」讲到阿祖因foul她被骂，她坦言难受过自己被抨击，所以即开直播安抚粉丝，「唔想大家有太多负面情绪，开个欢送会直播，希望大家开心啲，但系佢哋话我强颜欢笑，我都好诚实同佢哋讲我系唔开心，因佢哋咁样话阿祖我先至唔开心，见到啲粗口真系打冷震，大佬！佢哋冇欠我啲咩，呢个比赛系免费教育，人哋抽时间教我，仲要话佢，我都唔知讲咩好。」

Sica笑言睇番比赛片段觉得太浮夸好难顶。

Sica认为看到阿祖及其他队友因她被闹好内疚。

不应戴有色眼镜

对于外界负面声音，阿Ling承认最初很难受，但当中也有得着，「对我嚟讲都开心，令大家思考原本谂嘅价值观系咪未必啱，唔需要用年龄同社会身份地位去睇一个人，呢啲有色眼镜应该放低，同时亦都有好多成熟啲年长啲，或者同我差唔多年龄嘅人，系会畀我打动到佢哋，令到佢哋好鼓舞，要坚持唔好放弃追梦嘅心。」有指她的赛果是「成也阿祖、败也阿祖」，她则要为对方平反，「你睇个节目好似系佢做决定嗰个，但系呢个节目唔系佢一个人话事，同埋佢喺复活区拣咗我入佢嗰组，就算佢foul咗我，无论佢做任何决定，我都好感激佢，呢个过程我好深刻体会到阿祖系个好有爱嘅人，佢系好单纯直觉咁做。」因比赛知名度提升的阿Ling，未来想向电影演员和歌手方向发展。