张敬轩自爆初恋情人似足女神 被梁咏琪揭私下好人好事

张敬轩红馆演唱会昨晚（30日）第6场请来梁咏琪（Gigi）担任表演嘉宾，轩仔表示读中学时，Gigi的电影及好几首歌，陪伴著他十月芥菜的时期，择偶标准都以Gigi作蓝本，并自爆中五初恋的女朋友就是跟GiGi饼印，所以每当他听到对方的歌，见到GiGi本人，都会觉得有一种魔力，带他返回青葱岁月的浪漫时光。

轩仔见到Gigi，都似带他返回青葱岁月的浪漫时光。

二人合唱《两个人的幸运》后，轩仔话要多谢女神，Gigi即笑谓：「哎吔，唔好叫我女神啦。我系咪真系同你个女朋友好似？」轩仔说：「佢矮你半个头咁啦…不过依家已经嫁咗人，结咗婚，个老公重好似系生意人，好幸福。」Gigi反问轩仔：「咁你系咪好伤心呀？」轩仔话：「Dry少少咁啦，不过都冇乜嘢…讲番我求学时期成日听你歌…」Gigi就马上插口：「喂，咪住先，我Google过，其实我大你几年㗎咋！你唔好讲到我好似大你几代咁！」

Gigi来唱歌也给大家带来感人故事。

Gigi接著又话：「我今次嚟想带个故事畀大家听，关于张敬轩嘅一件事。2015年，当时我哋有一位共同朋友，佢爸爸有病成日出入医院，妈妈年纪又大照顾唔到，你身为佢朋友，知道佢难处之后，就同佢讲，我屋企有个司机，不如用我个司机车你爸爸去医院啦。当时佢好多谢你，减轻咗佢负担。过一段日子，呢个朋友更发现，原来当年所谓轩仔司机，唔系你司机，系你特登出钱包起架车嚟帮佢。你真系私下做好多好事喎！」轩仔随即谦称：「 帮到人系我福气。你点解知咁多嘢㗎？今（昨）晚我拣咗我当年最钟意个首十月芥菜歌，每次一听呢首歌我就春心荡漾。」接著合唱《一天一天》作结。

轩仔笑问Gigi点解知咁多嘢？