独家│传《仔仔一堂》由TVB改串流平台播 王贤志称仲做紧后期

由王贤志（Vinci）担任监制兼主持的男男配真人骚《仔仔一堂》，今年十月传出被TVB「退货」。有指是因为同性配对呢条桥，虽然有噱头，但似乎太创新，TVB都怕忠实观众接受唔到，即使安排在J2播出都过唔到高层嗰关。不过当时TVB回应传闻就强调节目仍在制作中，不过Vinci以不清楚内部决定来回应本报。

 

10月传《仔仔一堂》抽起冇得出街住，TVB总经理曾志伟当时话仲制作紧个节目。

 

今日有传媒报道TVB已经决定唔播《仔仔一堂》嘞！虽然一度有传改由ViuTV播出，但据报节目最终会改由串流平台Netflix或HMVOD播出，更指最快会于2022年春天上架。

 

不过Vinci今日回覆《头条娱乐》称唔知点解会有此传闻，他表示：「好似仲清楚过我咁！暂时我仲仍然做紧后期，需要好多时间去剪接得好啲，所以之后又再新嘅消息会第一时间同大家讲。」

 

《仔仔一堂》由Vinci担任监制兼主持。