Ian叱咤反应呆被质疑黑面网民戥佢可惜冇个人奖

2022-01-02 18:30

MIRROR昨晚（1日）于2021年度叱吒乐坛流行榜颁奖典礼有极好成绩，组合连成员的个人奖项共扫八个奖。去年被网民批评黑面的江𤒹生（Anson Kong），似乎已学会以平常心面对今年角逐的个人奖项，全程情绪高涨，兄弟得奖比自己更开心，几乎次次都弹起身祝贺兄弟。不过同团的陈卓贤（Ian）就被网民开Post讨论疑似黑面，个Post一开即登上讨论区热门。

AK上次出席叱咤被指黑面。

MIRROR喺叱咤扫咗8个奖。

有网民开Post质疑Ian黑面。

网民咁讲。

其实Ian去年都推出了两首个人单曲《DWBF》及《搞不懂》，两首歌他都有参与作曲，而「我最喜爱的男歌手」亦跻身五强，可惜未能上台领个人奖项。有网民观看颁奖礼其间以「有冇镜粉帮定Ian今晚叱咤黑面谂藉口？」开Post，质疑Ian黑面。不过亦有网民力撑Ian一向冇乜反应，唔算黑面。有网民则认为Ian完全无参与感，不过觉得即使Ian黑面亦情有可原，认为他整体能力不错，甚至表示：「支持佢单飞（脱离MIRROR），成就肯定高过而家。」亦有网民称理解Ian的心情，戥他可惜指「好歌冇好报」。

Ian去年出咗两首个人单曲。

有网民称Ian一向冇乜反应。

有网民叫Ian今年加油。

翻睇颁奖礼，其实Ian只不过是贯彻呆板性格，冇乜表情，应该又未至于黑面嘅！即使MIRROR其他兄弟得个人奖项，他虽不至于跳起身祝贺，亦有拍手戥兄弟高兴。有网民称：「今晚好似所有镜头拍到佢都散发一种好唔开心嘅感觉。」Ian昨晚（1日）拎「我最喜爱的组合」时有露出笑容，不过在表演时又收返啲笑容，令网民隔住个Mon都话Feel到他不开心。有网民留言叫他加油，希望他2022年出多啲歌，指Ian值得更多。