冯允谦被偷拍瞓觉 林奕匡赞镜头变焦唔错

冯允谦(Jay)同林奕匡(Phil)分夺今年叱咤唱作人银奖及铜奖，两人同样有音乐才华又鬼声鬼气，所以好老友。今日前者上载咗自己被偷拍瞓觉嘅片，片中嘅Jay坐喺化妆枱前瞓著咗，个口微张，瞓得相当冧，一般人擘大口瞓都唔多靓仔，但佢OK喎，仲好想帮佢冚被添。

瞓得好冧。

好少人瞓着都咁靓仔。

当事人话工作人员成日影低佢啲尴尬样，仲话可能稍后会Delete，咁期间限定当然秒Save，而佢老友阿Phil都睇到呢个Po，除咗笑，仲赞段片拍得几好，特别系个变焦，仲问个电话系咩型号。

想知答案嘅自己入Jay个Po睇啦。

周四晚，Jay赶得切喺禁晚市堂食前同爸爸食生日饭。

 立即下载 | 全新《星岛头条》APP : https://bit.ly/3yLrgYZ