郑嘉颖晒揽锡大仔靓相 　陈凯琳自爆亲自操刀拍下温馨一刻

52岁郑嘉颖早前凭《星空下的仁医》角逐视帝，虽然最后只能打入五强，但嘉颖完全唔介意，仲讲明仔细老婆嫩，宁愿搵钱紧要过拎奖。其实自从嘉颖18年同陈凯琳（Grace）结婚后，翌年及去年先后诞下大仔郑承悦（Rafael）和细仔郑承亮（Yannick）。

 

嘉颖在《星空下的仁医》表现出色，被受观众认同。

 

嘉颖自从做了老窦后，即时变了住家男人，同老婆Grace经常在社交平台大晒一家四口生活情况， 好似早前一齐去山顶搭缆车，以及在家布置圣诞树摆设庆祝等。有仔万事足的嘉颖，呢日又继续在社交平台哂两张同大仔Rafael的合照，并写上：「想影相嘅时候⋯佢就出现。」

 

一家四口在家布置圣诞树摆设庆祝。

 

大仔郑承悦（Rafael）和细仔郑承亮（Yannick）两兄弟相亲相爱。

 

大仔郑承悦（Rafael）下个月三岁。

 

早前一齐去山顶搭缆车庆祝踏入新一年。

 

照片中见到嘉颖蹲低揽实玩紧贴纸嘅Rafael，仲锡落佢个面珠仔度，表现得相当享受，反而Rafael眼仔碌碌个表情，就同妈咪十足十饼印一样，好搞笑。另一张嘉颖企起身揿住囝囝个头仔笑晒，慈父样出晒嚟。之后Grace亦在post度以英文留言，自爆靓相由她亲自操刀。

 

嘉颖蹲低揽实玩紧贴纸嘅Rafael，仲锡落佢个面珠仔度。

 

嘉颖企起身揿住囝囝个头仔笑晒，慈父样出晒嚟。

 

立即下载 | 全新《星岛头条》APP :https://bit.ly/3yLrgYZ