任晴佳蛇腰长腿超亮眼 青春活力大把人追

影帝任达华与名模琦琦嘅17岁女儿任晴佳（Ella）遗传咗两人嘅优秀基因，颜值极高，真系索爆星二代，之前Ella被拍到与一名男生同车惹嚟拍拖传闻。不过，爸爸任达华日前出席港台活动上就否认爱女蜜运中，强调只系正常社交，女儿要读书先，咁有EQ华哥仲被问到面黑黑，好唔like。不过，本报记者就收到风，Ella真系有好多男仔追，而且男同学都系系出名门，非富则贵，但啲男仔要过到华哥呢关都唔容易。

任晴佳遗传咗两公婆嘅优秀基因。

 

任晴佳咁索难怪有咁多男仔追。

 

任晴佳有逆天长腿。

 

当日任达华跟炎明熹及姚焯菲现身港台活动时，被追问囡囡拍拖就唔多like。

Ella唔止个样标致，仲天生有蛇腰及逆天长腿，就算喺𠵱家疫市都接到唔少Job，成为模特儿界宠儿。见她post出嘅靓相，相中展露纤腰，就算着住深色紧身legging都突显逆天长腿，见她大摆S甫士，真系比推销嘅名贵包包更加亮眼，网民形容她系「女神Ella」、「Sexy mf」。

任晴佳唔止靓，仲青春无敌。

 

任晴佳喺疫市下仍然成为广告商庞儿。

 立即下载 | 全新《星岛头条》APP : https://bit.ly/3yLrgYZ