2R黄婉佩囡囡都确诊高烧三日 睇完雪山睇靓湖觉得要同病毒共存

前日，39岁的前女子组合2R成员Race（黄婉佩）喺IG自爆去欧游时中招，所以喺法国同瑞士都无四围去留喺租住嘅独立屋隔离。原来佢嘅4岁囡囡Cara都确诊，仲因为年纪细冇打疫苗，发高烧三日，症状最严重。不过而家无晒事，多谢朋友嘅关心。

 

Cara因为中招发高烧发咗三日。

Race有感而发，觉得同新冠肺炎斗争咗咁耐，佢嘅家人亦啱啱确诊，佢有嘢想分享畀打咗疫苗，症状好轻微嘅确诊者，「对于感染新冠肺炎嘅朋友及同事，我哋大多数人都好好，所以我谂系时候同佢共存，迟早就好似感冒一样，其实流感都会杀死好多人。」

 

继上载法国山区靓靓木造独立屋靓相后，Race喺瑞士日内瓦湖畔嘅Thonon都租咗间靓屋，间屋好大，地下所有大窗都可以望到日内瓦湖，睇完雪山再睇湖，仲可以坐喺暖笠笠嘅室内睇住湖边放烟花，Race真识叹。
 

大厅有落地大窗可以望到湖景。

全木装修好有格调。

Race坐火炉边睇书。

Race一家就系住呢间好得意嘅独立屋。

好想去旅行。

Race老公同囡囡。

Race老公整嘢食。

坐喺落地大玻璃窗前睇烟花。

一家人一齐整的家常小菜。

Race呢间湖畔屋冇厨师，成家人同朋友要自己煮饭，而囡囡都学识洗衫同摆好餐具。对于呢间屋，Race评价好简单，「同山区相比，网络好好多，所以我嘅工作效率更高。」虽然老公大把钱，但Race继续做嘢，仲系金融地产界嘅女强人，佢仲话有啲人去旅行时都会工作，但佢就觉得咁做好唔明智，因为时差问题，凌晨2点或4点起身开会一啲都唔好玩。
 

立即下载 | 全新《星岛头条》APP : https://bit.ly/3yLrgYZ