陶大宇冇得如期 「倒转地球」 商场新春活动要延期

陶大宇早前因在内地表演刘德华歌曲《倒转地球》，独特风格引来网民讨论，爆红程度似乎仲盖过佢早年嘅「遮面笑」同「Jessie之乱」，而佢本人亦都非常玩得，完全唔介意网民嘲笑，大方态度都令网民Like爆！

大宇早前因为喺内地用独特风格唱《倒转地球》而成为网民热话。

 

红到ERROR嘅保锜都模仿呀！

趁住有热话，大宇都多咗搵真银机会，早前就被观塘一个商场邀请做新春活动的嘉宾，今个月初已经拍晒片同Fans讲佢将会出席呢个活动，仲话如果想「野生捕获」佢同埋睇佢「倒转地球」就去商场见佢嘞！不过可惜第5波疫情杀到，为配合政府防疫措施，原定本月22日邀请咗大宇出席嘅「迎虎年」活动都要延期。

个新春活动因为疫情要延期。

 

之前仲拍晒片约定啲Fans……

网民都去商场官方facebook留言表示失望：「好唔开心」、「唔好啦」、「失去目睹大宇风采嘅机会」、 「还我大宇😢😢」，亦有网民对于商场安排感到好奇：「迎虎年都可以延期？延至12年后吗？」定可能要兔年先再见到大宇嘅新春版《倒转地球》呢？

 

主办商场宣布活动延期。

 

网民表示失望。

 

有网民想知延到几时。

立即下载 | 全新《星岛头条》APP : https://bit.ly/3yLrgYZ