欣宜返成长地玩秋千 强调快乐好简单勿忘初衷
2022-01-20 07:00
郑欣宜(Joyce)在早前的商台颁奖礼上,首度赢得「叱咤乐坛女歌手」金奖及「我最喜爱的女歌手」,问到庆祝方式,欣宜话颁奖礼翌日返咗去成长地九龙城,同老友一齐食儿时最爱嘅牛肉饼及酥皮蛋挞庆祝,更去咗旧居附近嘅公园玩秋千。当时欣宜话呢个庆祝方式好特别又难忘:「系一个好落地嘅庆祝方式,好似系承认、接受同拥抱我嘅过去,呢啲嘢系必经,先会有今日嘅自己。所以1月2日用呢个方式庆祝系好有意义。」
讲咗半个月,终于有欣宜玩秋千嘅片,不过由于段片喺夜晚拍摄,所以都唔系好睇到欣宜五官,全片得短短三秒但睇佢用力撑上嘅动作都Feel到佢玩得有几开心。欣宜留言,「回到小时候屋企隔离个小公园玩:简单的快乐勿忘初衷。」
另外,因为第五波疫情,好多艺人嘅工作都要取消,但欣宜都无偷懒努力练舞,仲Hashtag跳舞使我快乐,快乐就好嘞。
立即下载 | 全新《星岛头条》APP : https://bit.ly/3yLrgYZ
最新回应