梁汉文发现有假IG帐号翻墙PO文提醒Fans好有心

2022-01-21 17:00

自从去年北上参加真人骚节目《披荆斩棘的哥哥》，一众Uncle好似梁汉文及林晓峰都喺内地好受欢迎，更联同张智霖、陈小春及谢天华拍摄内地综艺节目《大湾仔的夜》。

内地综艺节目《大湾仔的夜》，好易打错大湾区的夜。

节目讲乜?官网咁写，湖南卫视联合推出烟火人情味综艺，即系咩?

因为身处内地，梁汉文可以喺广州开Show，综艺加演唱会应该搵到唔少钱，见佢成日更新微博以为唔理IG，又唔系喎，佢发现有人冒认佢开Acc都Cap图Po上IG提醒Fans，话晒个假Account有千三人Follow，「唔好意思我知有啲烦，但我担心又有歌迷俾人呃，大家小心。」嗱，一日前佢先出Po，相片系佢喺飞机上影嘅，Caption系「牛年最后一个工作（北京）记录一下」，估计佢而家仍身处当地，就咁嘅，内地正常唔可以玩IG，但佢都翻墙提醒歌迷，好有心喎。