陈蕊蕊拍片为餐饮业打气 自爆开Café惨蚀数十万

陈蕊蕊日前拍摄网片，走访各大餐厅探讨食店现况，乘机向负责人「偷师」营商之道：「我之前开过Café，今次真系要嚟偷师，因为之前做过咁多生意都系蚀钱，最劲嘅一次几十万左右，不过做生意算少㗎啦！」

近日疫情严重，蕊蕊坦言会小心个人卫生，停机后即戴口罩：「平时就唔会去多人嘅地方，我自己就打齐针㗎啦，而且幕后同事都会戴晒口罩，所以都唔太担心。今日去到餐厅都知道情况几严峻，因为冇晚市对大家打击都好大，我只系小人物当然帮唔到啲咩，希望可以帮手打打气，介绍吓啲隐世美食，到疫情过后大家去疯狂帮衬！」

新春在即，她无惧拜年被亲友「催婚」：「我屋企人其实好少问呢啲问题嘅，父母都明白我做呢行，唔会去到过年先问我呢啲嘢，平时都会旁敲侧击关心我嘅感情状况。」

陈蕊蕊走访各大餐厅探讨食店现况，乘机向负责人「偷师」。

 

蕊蕊唔担心拜年被亲友催婚。

 

立即下载 | 全新《星岛头条》APP : https://bit.ly/3yLrgYZ