独家丨凌文龙学生身上得着多成立工作坊开班教戏

2022-01-25 22:30

凌文龙首次担正ViuTV剧集《IT狗》，他形容剧中演的「阿信」好蠢，但对自己信念的执着，跟自己颇相似。对于被剧中拍档指他「烦」，小龙认为是赞美的意思，更觉得大家够投入才会有此观感。去年底成立工作坊开班教戏剧的小龙，认为可以做到教学相长，希望未来日子兼顾幕前之馀，可以继续开班。采访：杜杜摄影：沈健程服装：HARRISON WONG

小龙自认跟岑珈其都是最烦对手，搞笑叻忍笑差。

全剧演员都认真投入，小龙最开心遇到这类对手。

小龙剧中演IT人，但原来他家中竟然冇电脑，「最初我同导演讲嘅时候佢系『吓』咗声，对于我嚟讲一部手机要搵嘅资料搵到晒，电脑喺我入APA（演艺学院）时已经冇用，我谂都有10几年。」讲到被其他拍档嫌「烦」，小龙不怒反笑，「我哋个烦系一个赞美嚟，呢班人每一个都好认真去做，亦都好认真去玩，我哋嗰种烦系『点呀你，玩完未呀，够啦』有趣嘅系我哋唔系乱咁嚟乱咁玩，我哋笑系谂唔到对方会用一个咁嘅演绎，又好啱嗰件事，我哋烦系点样去接。」

小龙大赞Lokman不愧为MIRROR队长，拍前准备十足。

小龙早前拍ViuTV《唔试唔知份工好》，体验其他行业。

望长教长有

剧中讲小龙为创业打拼，现实中他亦有新搞作去年底开设「铃和工作坊」教戏剧，因他年前要求演艺时恩师陈淑仪让他出任助教，令他更感受到传承的重要性，「当我再坐喺度睇老师教时，突然发觉老师对我咁大影响，佢真系会影响我以后点样去睇戏剧呢样嘢，佢呢个种树嘅过程，我觉得好有意义。」于是他就想将自己经验跟人分享，去年底已开过一次班的小龙，认为得着比想像中更多，「过程里面其实我从佢哋（学生）身上学到好多嘢，因为有好多嘢你未见过，或者佢哋做咗啲嘢提醒我，遗忘咗或者有啲嘢我做熟咗忘记咗有呢个步骤，同埋佢哋有时做嘅嘢系超出我预期，我又觉得好好睇，咪学到嘢罗！」踏入新一年，小龙自言未来工作安排想贪心点，「每年做到一个舞台剧，有三分二时间做电影电视，其馀时间如果开到两至三次班，咁就最理想。」