彭秀慧新作疑再与镜仔合作 晒AL坐过嘅櫈变景点

由彭秀慧执导，毛舜筠、姜涛、柳应廷（Jer）主演的英皇电影《阿妈有咗第二个》日前连补戏都拍埋，正式宣告煞科。而近日另一位MIRROR成员卢瀚霆（Anson Lo）继《假冒女团》后，再宣布接拍新电影，不过他没有透露合作对象与题材等细节，只系话为新作要转新发型。而他自爆拍新电影的IG Post就引来彭秀慧导演留言嗌加油，神徒都估今次教主可能系拍彭导新作呀！

彭秀慧执导的《阿妈有咗第二个》日前已经煞科。

 

AL日前自爆拍新电影。

 

彭导都留言为AL加油。

 

AL已为新作剪咗个新发型。

 

而昨日（26日）彭秀慧就喺IG限时动态分享Anson Lo坐过嘅櫈，仲tag Anson Lo话：「你坐过嘅地方变咗景点。」未知呢张櫈所在的地点是否在片场呢？其实Anson Lo同彭秀慧并非大缆扯唔埋，彭秀慧除了之前睇过MIRROR演唱会，亦系唔少镜仔的戏剧班导师。Anson Lo演《大叔的爱》演技获赞，他接受访问时透露开拍《大叔》前上咗10堂彭秀慧的戏剧班，他也很感谢指导。所以如果他现正拍摄彭导新作，师徒组合拍住上，都几有睇头噃！

 

彭导晒呢个「景点」，唔知系咪喺片场呢？

 

彭导同毛姐之前有去睇MIRROR开骚，仲同AL合照添！

 

AL在《大叔的爱》开拍前上过彭导的戏剧班。

 

圈中好多新演员都有搵彭导学演戏。

 

立即下载 | 全新《星岛头条》APP : https://bit.ly/3yLrgYZ