47岁徐濠萦新一年新尝试两个鼻窿中间戴圈状鼻环几好笑

2022-02-04 18:00

陈奕迅（Eason）好耐无蒲头，虽然佢有社交平台但形同虚设，佢老婆徐濠萦就唔同，Po少阵都唔得，因为冇得出席公众场合，但又想畀人知自己啲衫有几靓，最好方法就系自己Po出嚟，冋埋最重要自己有间铺，有新货想公告天下，话晒Followers近20万，自己出Po悭返好多广告费。

Eason好耐无公开露面，去年尾出Po去湾仔睇灯饰。

噚日陈太如常出Po Sell新衫，咦，点解佢个鼻有个鼻环嘅?戴鼻环都唔系问题，但一般见人戴喺鼻翼嘅一边，但陈太就戴喺两个鼻哥窿中间，今年系虎年唔系牛年喎，以为系期间限定，再返睇佢之前嘅Po，发现佢1月11日出嘅Po已经戴咗鼻环，但由于鼻环系细粒珠型，所以唔系好觉，虽然47岁，但陈太都好锺意接受新事物，不过，戴细粒珠型系几型嘅，环状就真系好似牛，都几搞笑吖。