独家丨薛影仪「爆红」月赚万元好满足扮财神唱贺年歌继续冇表情

2022-02-08 23:00

37岁「黄花闺女」薛影仪失落亚姐而爆红，更成为「ATV生啤」，自去年8月底被亚视私有化后，短短5个月接咗几十个Job，工作排到农历新年前，经理人林宝玉爆阿仪今年仲会出埋歌。扮演财神的阿仪日前先热身，由4位穿着高叉旗袍的亚姐谭梦娜、张可盈、林海茵及陈美涛伴随下大唱贺年广东歌。采访：方骞平摄影：沈健程

亚姐谭梦娜(左起)、张可盈、薛影仪、林宝玉、林海茵及陈美涛向读者拜年。

阿仪同亚姐齐齐拍贺年歌MV。

全新创作嘅贺年歌喺大马各大网上平台及K场播出，歌词有埋阿仪金句「阿仪不红，天理不容」相当搞笑。当日扮财神嘅阿仪虽然贯彻执金都唔识笑，但其实好High，仲急不及待将贺岁歌MV花絮片段放上网，意外将有关片段提前曝光。纵使发生咗一场小风波，不过，阿仪系带出正能量及欢乐，大马制作单位点会嬲得佢落呀！

阿仪首扮财神依然冇乜表情。

薛影仪主动拍片，叫广告商搵吓其他亚姐做Job。

开心share工作畀亚姐
首次做财神嘅阿仪依然系冇乜表情，问到锺唔锺意扮财神？她只淡淡然表示：「唔知呢！开心啩。」身边亚姐却表现得雀跃，谭梦娜爆阿仪反而羡慕她们有得着旗袍，梦娜笑说：「我羡慕佢就真，财神得一个。」阿仪又主动话：「其实可以搵吓其他佳丽，佢哋比较少job，冇我搵得咁多。」当阿仪被记者追问去年收入时？她突然醒目地耍走记者：「秘密嘢满意罗！(咁有冇6位数？)梗系冇咁多…我会留起嚟用喺屋企度。」阿仪咁识得为战友设想，梦娜话要请佢食饭；可盈话黐佢多啲会有运行；林海茵指佢系开心果；陈美涛赞阿仪好善良，林宝玉指阿仪想一班人齐齐拍嘢会开心啲。