独家丨「声梦」Venus Lolita拍剧挞着戏瘾 恨跟黎耀祥黄智贤合作偷师
2022-02-09 23:00 
「声梦」Venus（林沚羿）和Lolita（蔡恺颖）最近在《青春本我》挑战演技，Venus演欺凌Yumi（锺柔美）大奸角，而Lolita就要跟Archie（冼靖峰）大搞暧昧。不过两人有过今次演戏经验，都认为某程度上比唱歌更好玩，仲希望有机会再拍，更想跟黎耀祥和黄智贤两位好戏前辈合作偷师。采访：杜淑霞 协力：秦咏姿 摄影：沈健程、叶君海
Venus和Lolita都是初次拍剧，两人坦承有些情况较难应付。Venus剧中跟Eden（刘展霆）是分手旧情人，她承认太投入角色，对Eden态度也受影响，「我哋系呢套剧初次接触，因为角色系俾呢个男仔伤害咗，所以好唔锺意佢，平时同佢讲嘢都会唔小心刻薄咗少少。」而拍拖经验不多的Lolita，面对跟Archie的感情戏也觉困难，「我拍过一次咋！同埋段时间都好短。我拍时望住Archie会忍唔到笑，太熟系会爆笑，导演话想做到好似韩剧嘅感觉，唔使讲好多嘢一个眼神动作交侍，但我哋有眼神接触就想笑。」
有偶包拒扮丑
有过这次经验，两人都承认爱上了演戏，甚至比起唱歌更大兴趣。Lolita说：「我拣唔到，两样都好玩。」Venus直情话会拣演戏，「我好享受演戏过程，可以投入长久啲做一件事，但唱歌可能准备成个月，上台唱得3分几钟，拍剧就可以畀观众更易睇到自己嘅努力。」至于想挑战角色，Lolita承认有偶像包袱，「丑女要谂吓，奸角可以，因为自己唔靓，再丑化怕好核突。」而Venus想演角色再奸点，「可以去尽啲，有机会可以玩一个再浮夸啲，再大派啲嘅奸角，系人都惊再乞人憎啲，或者演个背景好贴地啲角色。」
两人有机会更想跟前辈黎耀祥和黄智贤偷师，Lolita说：「我近排有睇佢嘅《拳王》，之前又有《杀手》同好经典嘅《巾帼枭雄》，佢真系好有戏，有机会同佢合作跟佢学吓嘢，都系一件好嘅事，好难得机会。」Venus说：「我想跟黄智贤请教一下，因为我哋有喺艺训班做旁听生，佢嚟同我哋做咗几个工作坊，佢教我哋演戏系好有帮助，跟佢学过点样拆解一份剧本，都帮助到我拍今次套剧，所以想同老师再偷吓师。」
立即下载 | 全新《星岛头条》APP :https://bit.ly/3yLrgYZ
最新回应