独家丨梁靖琪生完细仔封肚唔追Ｂ女问准老公拍《家族荣耀》亲热戏

2022-02-17 21:00

梁靖琪（Toby）在TVB剧《家族荣耀》，饰演马家二奶女「Chelsea」，角色默默为家庭付出，她坦言同自己顾家性格好似。提到剧中跟陈少邦有段性爱片，Toby直言电视尺度有限，不过坦承已为人妻后，亲热或性感戏会尊重老公施隽贤（Jonathan）意见才接拍。而正怀第二胎B仔的她，已决定封肚唔再追B女。采访：杜淑霞摄影：叶君海发型：Michael lam@Beijing hair culture化妆：Stephen Lau@StephenMakeup

Toby除了幕前，最近也尝试做幕后，《家族荣耀》也有份参与。

Toby认为跟马家4小姐「Chelsea」最相似，就是顾家性格。

Toby觉得同「Chelsea」最似就是顾家性格，「佢做任何嘢都系为屋企，几似我本人，因为我成日好想争取我阿爸（梁家树）嘅认同。」而最困难地方是角色是律师，「记啲律师对白原来咁辛苦，难度好高，因为我系全公司嘅律师，有时要解释返畀啲阿哥听嗰啲条文。」她承认生B后记性更差，「记咗3日先记得几行字，真系有压力，不过我老公话我呢一胎记性仲差。」

剧中Toby跟饰演会计师的陈少邦有一段情。

Toby大赞老公Jonathan，好支持她幕前演出。

第二胎陀得辛苦

剧中Toby跟陈少邦有段情，仲讲述有两人性爱片段流出，难免会有亲热戏，她事前都有问准老公，「电视尺度唔会去到好犀利，个个睇完系会『唓！』。不过就算我同阿邦有啲牀上戏，都有同老公讲有场咁嘅戏你点睇，老公会问返我『你觉得呢』，佢好好会畀好多选择权我，好支持我，但我都有追问佢，『你可唔可以畀个答案我』，佢唔会话最好唔好，但我一定尊重佢，最紧要佢舒服。」

Toby带埋食紧人奶的大仔去深圳开工，老公更专登去探班兼庆祝囝囝1岁生日。

将来细仔出世，Toby会继续喂人奶，认为是最佳亲子方法。

讲到怀第二胎B仔，预产期是4月，Toby觉得比起陀大仔施睿文（Roman）时辛苦得多，「呢胎头嗰几个月呕到好辛苦，第一胎舒服到爆，好似只系觉得慢慢肥咗，但呢胎真系比较辛苦，可能我又凑紧大仔。第一胎日日食鸡蛋牛油果，好似预备储肥自己，但呢胎开头呕唔系食得好多嘢，所以头一胎肥咗40几磅，好大嚿，呢胎得一半。」她坦言跟家人都恨生女，但不会再追，「我屋企人好期待有个女仔，因为我家姐生3个仔，我又两个，想有个女嗲吓，但两个够啦！好大负担，香港读书又好辛苦，同埋家姐第3个都系仔，我冇信心追到个女。」