独家丨林奕匡直言恨攞男歌手奖今年想写10首歌畀人

2022-02-19 21:00

林奕匡（Phil）早前推出EP《Philosophy》，集合了2021年推出的4首歌，包括新歌《解答》。 Phil坦承人生有很多事没有标准答案，譬如有人会觉得他埋首音乐创作很闷，而他却乐在其中。谈到颁奖礼，他直言仍对「男歌手奖」有追求，但开心去年为MIRROR成员写歌有好成绩，新一年想创作10歌给其他歌手。采访：杜杜摄影：沈健程形象：Queenie Yu 发型：Wilson Wong 化妆：Gabbie Lee 场地：Place:@cafewanderhk

Phil认为人生本来是痛苦，但音乐却带给他快乐。

Phil新EP《Philosophy》收录《时间的囚犯》、《沉思者》《关于爱的碎念》和《解答》。

Phil的新EP《Philosophy》探讨人生哲学，《解答》就想讲人如何在生活中搵到快乐，而在Phil哲学中，人生从来是苦中作乐，「每个人答案同定义唔同，我一日喺间房写歌做歌系好快乐，有啲人觉得唔系，音乐上令我搵到满足感，喺音乐上同喺台上嘅喜悦，可以抵销好多压力或者捱几多个通宵。」

《关于爱的碎念》和《解答》MV，Phil都搵了倪安慈任女主角。

Phil在《叱咤颁奬礼》夺得「唱作人铜奖」。

乐见MIRROR冒起

在年初举行的《叱咤颁奬礼》Phil夺得「唱作人铜奖」，他直言更恨攞「男歌手奖」，「呢个永远都系我想去攞嘅奖，呢个系一个肯定，唔单止创作，系整体嘅歌影响到几多人，触动几多人嘅心，仲未攞到我会继续努力。早两、三年，我可能会讲有奖冇奖唔紧要，锦上添花，但太客气嘅说话唔真实罗！做音乐唔容易，我哋都需要大家嘅支持，我仲有冇机会做到自己锺意做嘅嘢上到舞台，全部都有关系，冇奖我会更加努力，但会有少少失望。」

Phil为姜涛写的《Dear My Friend,》得到《叱咤颁奬礼》「我最喜爱的歌曲大奖」。

Phil跟Edan合作很开心，更期待跟更多MIRROR成员合作。

不过，Phil开心去年能为姜涛、Edan（吕爵安）和叶巧琳写歌，姜涛的《Dear My Friend,》更得到《叱咤颁奬礼》「我最喜爱的歌曲大奖」，而Edan和新加坡歌手邱锋泽合唱歌，更有广东版《一表人才》同国语版《年青有为》。对于MIRROR冒起，他认为是好事，「佢哋做嘅嘢系牵动到乐坛去追音乐，唔单止香港，我写完歌畀佢哋，好多喺外国嘅人留 Message畀我，去到北美洲、欧洲咁远嘅人，留意香港嘅歌，咁梗系好事。我同佢哋合作同互动，都令我了解更多年青人谂法。」今年Phil对自己要求更高，「我希望写到10只歌畀人，虽然唔系多就系好，但系想推动吓自己。」